O PXOU vixente é o aprobado por acordo do Consello da Xunta de Galicia de 29/04/1993, trala declaración de nulidade da sentenza de 10/11/2015 do Tribunal Supremo que afectou ao PXOM do 2008 (DOG 03/06/2008; BOP 06/08/2008).

Elementos de información:

• ITA-2017 - 60. Plan Xeral de Ordenación Urbana (PXOM) e os mapas e planos que o detallan

  Consonte ao artigo 18 da Lei 21/2013, do 9 de decembro, de avaliación ambiental, dentro do procedemento substantivo de adopción ou aprobación do Plan Xeral de Ordenación Municipal de Vigo, o promotor (concello de Vigo) presentará ante o órgano substantivo (órgano da administración pública que ostenta as competencias para aprobar o plan), xunto coa documentación esixida pola lexislación sectorial, unha solicitude de inicio de avaliación ambiental estratéxica ordinaria, acompañada do borrador do plan e dun documento inicial estratéxico. Na actualidade estase a elaborar a antedita documentación que forma parte do expediente administrativo tramitado en cumprimento do acordo do Pleno do Concello de Vigo de data 18.12.2015 polo que se inicia o procedemento de revisión do PXOU-93, dada a situación xerada pola sentenza ditada o día 10.11.2015 polo Tribunal Supremo, no recurso de casación nº. 1658/2014 que declarou a nulidade das ordes ditadas pola Conselleira da Consellería de Ordenación do Territorio e Obras Públicas en data 16.05.2008 e o Conselleiro de Consellería de Medio Ambiente, Territorio e Infraestruturas en data 13.07.2009, aprobatorias do Plan Xeral de Ordenación Municipal de Vigo.

• ITA-2017 - 61. Ámbito medioambiental: a) Políticas e programas do Concello. b) Estudos de impacto ambiental, paisajísticos e avaliacións do risco relativos a elementos medioambientales

  En referencia ao apartado b) a competencia para realizar estes informes non é do concello de Vigo senón que recae na Secretaría xeral de Calidade e Avaliación ambiental da Consellería de Medio Ambiente e Ordenación do Territorio.

• ITA-2017 - 62. Modificacións do PXOU93 e os plans de desenvolvemento

• ITA-2017 - 63. Convenios urbanísticos do Concello e das actuacións urbanísticas en execución

• ITA-2017 - 64. Usos e destinos do chan